ટંકારા પંથકમાં દારૂના ગુન્હામાં સંડોવાયેલા ફરાર આરોપી મોરબી ખાતેથી પકડાયો

ટંકારા પંથકમાં દારૂના ગુન્હામાં સંડોવાયેલા અને ત્રણેક માસથી ફરાર આરોપીને મોરબી ખાતેથી પકડી પાડવામાં મોરબી એલ.સી.બી. અને પેરોલ ફર્લો સ્કવોડની ટીમને સફળતા સાંપડી છે.

મોરબી એલસીબી અને પેરોલ – ફર્લો સ્કવોડની ટિમ મોરબી વિસ્તારમાં પેટ્રોલિંગમાં હતી તે દરમિયાન પોલીસ હેડ કોન્સ્ટેબલ વિક્રમસિંહ બોરાણા તથા સહદેવસિંહ જાડેજાને ટંકારા પોલીસ સ્ટેશન પ્રોહીબીશનના ગુન્હામાં ફરાર શખ્સ અંગે બાતમી મળી હતી. જે બાતમીને પગલે સ્ટાફે મોરબીના નવા બસ સ્ટેન્ડ નજીક રેઇડ કરી ફરાર આરોપી સુનીલ કીશનભાઇ દેવીપુજક રહે. ચુનારાવાડ રાજકોટવાળાને દબોચી લીધો હતો. ઉલ્લેખનીય છે કે આરોપી આ અગાઉ ટંકારા, મોરબી, રાજકોટ સહિત અનેક સ્થળોએ પોલીસ ચોપડે ચડી ચુક્યો છે.