હળવદના રાયધા ગામની સીમમાંથી દેશી દારૂની ભઠ્ઠી ઝડપાઈ

હળવદ તાલુકાનાં રાયધા ગામની સીમમાં ધમધમતી દેશી દારૂની ભઠ્ઠી સાથે એક શખસને પોલીસે ઝડપી લઈ ધોરણસરની કાર્યવાહી હાથ ધરી હતી.

હળવદ પંથકના રાયધા ગામે પોલીસે રેઈડ કરતા મહાદેવભાઈ કાળુભાઈ દેત્રોજા ( ઉ. વ. ૪૧) પોતાની વાડીમાં દેશી દારૂની ભઠ્ઠી ચલાવતો હોય પોલીસને રેઈડ દરમ્યાન દેશી દારૂ બનાવાનો આથો ૨૦૦ લીટર, દેશી દારૂ ૪૦ લીટર, તથા અન્ય દારૂ બનાવાની સામગ્રી મળી કુલ ૨૪૫૦નો મુદામાલ કબજે કરી ભઠ્ઠી ચલાવનાર શખસની ધરપકડ કરી પ્રોહીબીશનની કલમ હેઠળ ગુનો નોંધી આગળની તપાસ હાથ ધરી છે.