મોરબી તાલુકાના બગથળા ગામે જામેલી જુગારની મહેફિલ પર એલસીબી ત્રાટકી: ૬૬ હજારના મુદ્દામાલ સાથે છ જુગારીઓ ઝડપાયા

મોરબી તાલુકાના બગથળા ગામે જામેલી જુગારની મહેફિલ પર મોરબી એલસીબી એ રેઇડ પાડી ૬૬ હજારના મુદ્દામાલ સાથે છ જુગારીઓને દબોચી લીધા હતા

મોરબીના બગથળા ગામે જાહેરમાં જુગારધામ ધમધમતું હોવાની એલસીબી સ્ટાફને કાને વાત પડત પોલીસ બગથળા ગામે દોડી ગઈ હતી જ્યાં રેઇડ કરતા આરોપી નરેન્દ્રસિંહ ઉર્ફે ભીખુભા નવલસિંહ પરમાર રહે.બગથળા તા.જી.મોરબી, શબીરભાઇ ગુલામહુસેન ભટ્ટી (રહે.વાવડીરોડ, તા.જી.મોરબી), મુકેશભાઇ ડાયાભાઇ ચાવડા (રહે.બગથળા), ભુપતભાઇ પ્રભુભાઇ વડાવીયા (રહે.ખાખરાળા), સામતભાઇ હમીરભાઇ ગમારા (રહે.બગથળા) અને મહેશભાઇ દલપતભાઇ રામાનુજ (રહે.બગથળા) સહિતના પત્તાંપ્રેમીઓને રંગે હાથ ઝડપી લીધા હતા. પોલીસે છ આરોપીઓને ગજીપતાના પાના તથા રોકડા રૂપિયા ૬૬,૧૦૦ સહિતના મુદામાલ સાથે પકડી પાડી તમામ વિરુદ્ધ મોરબી તાલુકા પોલીસ મથકમાં જુ.ધા.કલમ -૧૨ મુજબ ગુન્હો દાખલ કરાવ્યો છે.