મોરબીના આંગણે પરશુરામ ધામ ચેરીટેબલ ટ્રસ્ટ દ્વારા ભગવાન પરશુરામ કથાનું આયોજન કરાયું

મોરબીના આંગણે પરશુરામ ધામ ચેરીટેબલ ટ્રસ્ટ-મોરબી દ્વારા ભગવાન પરશુરામ કથાનું ભવ્યાતિભવ્ય આયોજન કરવામાં આવ્યું છે. આગામી તા. ૧૭-૧૨-૨૦૨૧ને શુક્રવારના શુભ દિનથી કથાનો વાજતે ગાજતે પ્રારંભ થશે. વકતા સ્વામી ભાણદેવજીની મધુર વાણીમાં ત્રણ દિવસ કથા સાગરમાં ડૂબકી લગાવ્યા બાદ તા.૧૯-૧૨-૨૦૨૧ને રવિવારના રોજ સાંજે ૩:૦૦ થી ૬:૩૦ કલાકે કથાની પુર્ણાહુતી થશે.

આ પ્રસંગે પધારી ભક્તિ ભાવમાં જોડાવા ધર્મપ્રેમી જનતાને પરશુરામ ધામ ચેરીટેબલ ટ્રસ્ટ , મોરબી, સમસ્ત બ્રહ્મ સમાજ, મોરબી શહેર, જિલ્લો, સમસ્ત બ્રહ્મ સમાજ યુવક મંડળ ટ્રસ્ટ, સમસ્ત બ્રહ્મ વિકાસ પરીષદ, સમસ્ત બ્રહ્મ સમાજ મહિલા મંડળ, પરશુરામ યુવા ગ્રુપ, ગાયત્રી પરિવાર ટ્રસ્ટ મોરબી સહિતનાઓ દ્વારા અનુરોધ કર્યો છે.