રફાળેશ્વર ક્લસ્ટરની સીઆરસી કક્ષાની પુસ્તક વાંચન સ્પર્ધા સંપન્ન

મોરબીમાં રફાળેશ્વર ક્લસ્ટરની સીઆરસી કક્ષાની પુસ્તક વાચક સ્પર્ધા યોજાઈ હતી. જેમાં ક્લસ્ટરની ૧૬ શાળાઓએ સીઆરસી કક્ષાની પુસ્તક વાચક સ્પર્ધામાં ભાગ લીધો હતો. ત્યારે શ્રી બંધુ નગર પ્રાથમિક શાળાના ધોરણ ૮ ના વિદ્યાર્થી વાટીયા નિર્મલ છેલુ ભાઈએ “લાવો અને તાવો,” પુસ્તકની સમીક્ષા રજૂ કરી પ્રથમ ક્રમ પ્રાપ્ત કર્યો હતો.

જ્યારે ધોરણ ૭ ના વિદ્યાર્થિની વાટી યા કુમકુમ બાબુભાઈએ “બકોર પટેલની વાતો” પુસ્તકની સમીક્ષામાં કરી પ્રથમ ક્રમ પ્રાપ્ત કર્યો હતો. ત્યારે શ્રી બંધુ નગર પ્રાથમિક શાળાના આચાર્ય અમૂલ જોષી તથા રફાળેશ્વર ક્લસ્ટરના સીઆરસી કો ઓર્ડીનેટર દીપકભાઈ નીંબારકએ વિદ્યાર્થીઓને સન્માનિત કર્યા હતા. અને અભિનંદન પાઠવ્યા હતા.