મોરબીના લાતીપ્લોટ માં આવેલ જોન્સનગરમાં લાઇટબીલ ભરવાના પૈસામાં અડધો ભાગ માંગતા ત્રણ શખ્સોએ મકાનમાં તોડફોડ કરી માર માર્યો હતો અને મારી નખવાની ધમકી આપી હતી.
જેમાં મોરબીના લાતીપ્લોટમાં આવેલ જોન્સનગરમાં રહેતા સમુનભાઈ હસનભાઈ ભટ્ટી (ઉ.૨૦ ધંધો મજૂરી રહે.જોન્સનગર શેર નં.૧૧) વાળાએ તે જ વિસ્તારમાં રહેતા મોહસીનભાઈ બસીરભાઈ ભટ્ટી,કાસમભાઈ બસીરભાઈ ભટ્ટી અને માજીદભાઈ બસીરભાઈ ભટ્ટી વિરુદ્ધ ફરિયાદ નોંધાવી છે કે ગત તા.૧૪ જૂનના ફરિયાદી ના પિતા હશનભાઈ ભટ્ટી એ ઉપરોકત આરોપી મોહસીનભાઈ પાસેથી લાઈટ બીલમાં ભાગે પડતા પૈસા માંગતા તેને ઉશ્કેરાઈ જઈને ગાળો ભાંડી હતી જ્યારે ફરિયાદીના પિતાએ આવું બોલવાની ના કહેતા આરોપી એ લોખંડના પાઇપ વડે માથામાં ઘા માર્યો હતો અને એ જ અરસામાં અન્ય બે આરોપીઓ પણ ત્યાં આવી પહોંચી નેફરિયાદી અને તેમના પિતા ને માર મારી ઘરમાં ગેરકાયદેસર પ્રવેશ કરી ઘર વખરીનો સમાન માં તોડફોડ કરી હતી અને આરોપી મોહસીન એ ફરિયાદી અને એમના પિતાને જાનથી મારી નખવાની ધમકી આપી હતી.
જે બાબતે મોરબી સિટી એ ડીવીઝન પોલીસે ગુનો નોંધી આગળની કાર્યવાહી હાથ ધરી છે.
