મોરબીના પંચાસર ગામે વંડામાંથી દારૂ-બિયરનો જથ્થો ઝડપાયો:આરોપીની શોધખોળ

મોરબી એલસીબી દ્વારા પંચાસર ગામે વંડા માંથી દારૂ બિયરનો જથ્થો ઝડપી પાડવામાં આવ્યો હતો જ્યારે આરોપીની શોધખોળ હાથ ધરી છે.

મોરબી તાલુકાના પંચાસર ગામે મોરબી એલસીબી દ્વારા બાતમીના આધારે દરોડો પાડીને તળાવની પાળ પાસે દરબાર સમાજની વાડી પાછળ આવેલ હિતેન્દ્રસિંહ વિક્રમસિંહ ઝાલા (રહે.પંચાસર ગામ તા.જી.મોરબી) ના કબ્જા વાળા વંડામાંથી જ્યુબિલિ સ્પેશિયલ વહીસ્કી ની ૭૨ બોટલ જેની કી. રૂ.૨૧,૬૦૦ ડીસ્કાઉન્ટ વહીસ્કીની બોટલ નંગ ૨૪ જેની કી. રૂ.૭,૨૦૦ તથા કિંગ ફિશર બિયર ના ૨૪ ટીન જેની કી. રૂ.૨૪૦૦ મળી કુલ રૂ.૩૧,૨૦૦ નો મુદામાલ ઝડપાયો હતો જ્યારે આરોપી હિતેન્દ્રસિંહ વિક્રમસિંહ ઝાલા સ્થળ પર મળી ન આવતા તેને ઝડપી લેવા તપાસના ચક્રો ગતિમાન કર્યા છે.

આ કામગીરીમાં એલસીબી પીઆઇ એમ આર ગોઢાણીયા, પીએસઆઈ એન બી ડાભી સહિત મોરબી એલસીબીનો સ્ટાફ જોડાયો હતો.