પોલીસે જુગાર રમતા સાત આરોપીઓને ઝડપી લીધા
મોરબી: મોરબીમાં એલસીબીએ બાતમીના આધારે શનાળા રોડ ઉપર આવેલ ગુજરાત હાઉસિંગ બોર્ડના મકાનમાં ધમધમતું જુગાર ધામ ઝડપી લીધું હતું જેમાં પોલીસે જુગાર રમતા સાત આરોપીઓને રોકડ સહિતના મુદામાલ સાથે ઝડપી લીધા હતા.
મોરબી એલસીબી સ્ટાફને બાતમી મળી હતી કે, મોરબી, શનાળા રોડ પર આવેલ ગુજરાત હાઉસિંગ બોર્ડ ૫૯ એમ.એ.જી. યોજનાના ક્વાર્ટરમાં રહેતા આરોપી જીતુભા ઉર્ફે દેદા અમરસિંહ જાડેજા પોતાના કબ્જા ભોગવટા વાળી વાડીની ઓરડીમાં બહારથી માણસો બોલાવી નાલ ઉઘરાવી જુગારધામ ચલાવે છે. આ પ્રકારની બાતમી મળતા પોલીસે ત્યાં દરોડો પાડી જુગાર રમતા આરોપીઓ જીતુભા ઉર્ફે દેદા અમરસિંહ જાડેજા, અંબારામભાઇ નાનજીભાઇ વિડજા, પ્રાણજીવનભાઇ તળશીભાઇ વિલપરા હિતેષભાઇ તુલસીદાસ લુકા, દિલીપભાઇ ઘરમશીભાઇ દેસાઇ, સૂરજભાઇ દુર્લભજીભાઇ અમૃતિયા, હરજીવનભાઇ ડાયાભાઇ જાલરીયાને રોકડ રૂ.૪૫,૦૦૦ ના મુદામાલ સાથે ઝડપી પાડી ધોરણસરની કાર્યવાહી હાથ ધરી હતી.
