સુરેન્દ્રનગર જીલ્લાના પાટડી પોલીસ મથક ના ઇંગ્લીશ દારૂની હેરાફેરીના ગુન્હામાં નાસતા ફરતા આરોપીને મોરબી પેરોલ ફર્લો સ્કવોડ તથા એલ.સી.બી.ની ટીમે ઝડપી લીધો હતો.
મોરબી એલ.સી.બી.ના માર્ગદર્શન હેઠળ પેરોલ ફર્લો સ્કવોડ મોરબી જીલ્લામાં નાસતા ફરતા આરોપીઓને શોધી કાઢવા પ્રયત્નશીલ હતા તે દરમ્યાન એલ.સી.બી./પેરોલ ફર્લો સ્કવોડના પો.હેડ કોન્સ. રામભાઇ મંઢ, નિરવભાઇ મકવાણા, ભરતસિંહ ડાભીને બાતમી મળેલ કે, સુરેન્દ્રનગર જિલ્લાના પાટડી પોલીસ મથકના દારૂના ગુનામાં નાસતો ફરતો આરોપી જયંતીભાઇ ઉર્ફે બાવલો બચુભાઇ ( રહે. સાયલા સરોવરીયા મંદિર પાસે તા.સાયલા જી.સુરેન્દ્રનગર) વાળો મોરબી-૦૨માં આવેલ મહારાણા પ્રતાપ સર્કલ સામે આવેલ બસ સ્ટોપ પાસે કોઇ વાહનની રાહ જોઇ ઊભો છે જેથી મળેલ બાતમીને આધારે પોલીસે મહારાણા પ્રતાપ સર્કલ સામે આવેલ બસ સ્ટોપ પાસે તપાસ કરતા ઉપરોકત ગુનામાં નાસતો ફરતો આરોપી જયંતીભાઇ ઉર્ફે બાવલો બચુભાઇ સાઢમીયા( ઉવ. ૨૬ રહે. સાયલા સરોવરીયા મંદિર પાસે તા.સાયલા જી.સુરેન્દ્રનગર હાલ રહે મોરબી જેતપર રોડ, બેલા ગામ નજીક સોમનાથ પેટ્રોલ પંપ સામે તાજી.મોરબી) વાળાને પકડી પાડી હસ્તગત કરી આગળની કાર્યવાહી અર્થે મોરબી સીટી બી ડીવીજન પોલીસ મથકમાં સોપી પાટડી પોલીસને સોંપવા તજવીજ હાથ ધરી હતી.
