દારૂ આપનારનું નામ ખુલતા પોલીસે તપાસ હાથ ધરી
મોરબી: મોરબીના સામાકાંઠા વિસ્તારમાં એલસીબી સ્ટાફે બાતમીના આધારે ઈંગ્લીશ દારૂની બોટલ સાથે બુટલેગરને ઝડપી લીધો હતો. જ્યારે પોલીસની તપાસમાં આ આરોપીને દારૂ વેચવા માટે આપનાર હળવદના બુટલેગરનું નામ ખુલતા તપાસ હાથ ધરી છે.
મોરબી એલ.સી.બી. સ્ટાફ ગઈકાલે બાતમીના આધારે મોરબીના સામાકાંઠા વિસ્તારમાં આવેલ મહારાણા પ્રતાપસર્કલ નજીક, કડીયાબોર્ડીંગ પાછળ ખુલ્લી જગ્યામાં રેઇડ કરી પોલીસે આરોપી હિતેન્દ્રસિંહ ઉર્ફે હિતુભા મમુભા જાડેજા ઉ.વ. ૩૪ ધંધો ફાયનાન્સનો રહે. મોરબી,નિત્યાનંદ સોસાયટી હાઉસીંગબોર્ડ પાછળ, તા.જી.મોરબી મુળ રહે. વીરપરડા તા.જી. મોરબીવાળાને વિદેશી દારૂની અલગ અલગ બ્રાન્ડની કુલ બોટલો નંગ-૧૦૮ કી.રૂ. કિ.રૂ.૧,૨૩,૦૦૦ નો દારૂ સાથે ઝડપી લીધો હતો. પોલીસની પૂછપરછમાં આ આરોપીએ રવિભાઇ નટુભાઇ વિડજા રહે. જુના દેવળીયા તા. હળવદ) પાસેથી દારૂ મંગાવીને વેચતો હોવાની કબૂલાત આપતા પોલીસે આ આરોપીને પણ ઝડપી લેવા તપાસ હાથ ધરી છે.
