મોરબી :મોરબી સીટી એ-ડીવીજન પોલીસની ટીમે ગઈકાલે બાતમીના આધારે રાજકોટ સીટી બી ડીવીઝન પોલીસ મથક વિસ્તાર રાજકોટ શહેર ડી.સી.બી. પોલીસ મથકના દારૂના ગુન્હામાં છેલ્લા ચારેક મહીનાથી નાસતો ફરતા આરોપીને પકડી પાડી રાજકોટ પોલીસને હવાલે કરવાની તજવીજ હાથ ધરેલ છે.
મોરબી જીલ્લા પોલીસ અધિક્ષક રાહુલ ત્રિપાઠીની સુચના તેમજ મદદનીશ પોલીસ અધિક્ષક મોરબી ડીવીજન મોરબીના અતુલકુમાર બંસલના માર્ગદર્શન હેઠળ તેમજ મોરબી સીટી એ ડિવિઝન પીઆઈ એમ.પી.પંડયાની સુચના મુજબ સર્વેલન્સ સ્ટાફના માણસો પોલીસ મથક વિસ્તારમા પેટ્રોલીગમાં હોય દરમ્યાન પોલીસ કોન્સ્ટેબલ આશીફભાઇ રાઉમા તેમજ હિતેષભાઇ ચાવડા નાઓને સંયુકત હકિકત આધારે રાજકોટ શહેર બી ડિવિઝન પોલીસ મથકના વિસ્તારના ડી.સી.બી. પોલીસ સ્ટેશનના સી પાર્ટ દારૂના ગુનામાં છેલ્લા ચારેક માસથી નાસતો ફરતો આરોપી મુસ્તાક ઉર્ફે જેરી ઓસમાણભાઇ સોલંકી (ઉવ-૨૨ રહે.મોરબી પંચાસર રોડ શેરી નં.૦૧ તા.જી.મોરબી) વાળો મળી આવતા તેને હસ્તગત કરી રાજકોટ શહરે ડી.સી.બી. પોલીસ સ્ટેશનને આગળની કાર્યવાહી માટે જાણ કરવા તજવીજ કરેલ છે.
