મોરબીમાં શનાળા રોડ પરથી બાઈકની ઉઠાંતરી

મોરબીમાં તસ્કરોનો ત્રાસ દિવસેને દિવસે વધતો જઈ રહ્યો છે. પોલીસ તંત્ર દ્વારા પણ આવા લોકો સામે તવાઈ હાથ ધરવામાં આવી છે. પરંતુ આ ભેજાબાજો એનકેન પ્રકારે જિલ્લામાં તરખાટ મચાવતા જ હોય છે. અને જિલ્લાની શાંતિને ભંગ કરવાનો પ્રયાસ કરી રહ્યા છે. ત્યારે મોરબી સીટી એ ડિવીઝન પોલીસ સ્ટેશન વિસ્તારમાં આવતા મોરબી શનાળા રોડ પાસે દેવ કુંવર પ્લાજા નજીક ખુલ્લી જગ્યામાં વિક્રમસિંહ અભુભા ગોહીલ દ્વારા પોતાનું GJ-36-M-4801 નંબરનું હીરો કંપનીનું સ્પ્લેન્ડર પાર્ક કરવામાં આવ્યું હતું. જેની કોઈ અજાણ્યા ચોર દ્વારા ઉઠાંતરી કરવામાં આવી છે. જેને લઈ બાઈક માલિક વિક્રમસિંહ અભુભા ગોહીલે મોરબી સીટી એ ડિવીઝન પોલીસ સ્ટેશનમાં ફરિયાદ નોંધાવી છે.