મોરબીમાં કાયદો અને વ્યવસ્થાને નેવે મૂકી જાહેરમાં જુગાર રમતા શખ્સો ઉપર પોલીસ તંત્ર દિવસેને દિવસે તવાઈ બોલાવી પત્તા પ્રેમીઓને ઝડપી રહી છે. ત્યારે મોરબી શહેરમાં ત્રાજપર ખારી આંગણવાડી નજીક જાહેરમા મોરબી સીટી બી ડિવિઝન પોલીસે રેડ કરી જાહેરમાં જુગાર રમતા 2 જુગારીઓને ઝડપી પાડ્યા છે.
બનાવ અંગેની મળતી માહિતી અનુસાર, મોરબી જીલ્લામાં પ્રોહી-જુગારની બદીઓ દુર કરવાની પોલીસ અધિક્ષક રાહુલ ત્રિપાઠીની સૂચના બાદ પોલીસ દ્વારા ઠેર-ઠેર રેડ કરવામાં આવી રહી છે. જેને લઈ ગઈકાલે મોરબી સીટી બી ડિવિઝન પોલીસ સ્ટેશનનો સ્ટાફ પેટ્રોલિંગમાં હતો. ત્યારે તેઓને બાતમી મળી હતી કે, ત્રાજપર ખારી આંગણવાડી નજીક જાહેરમા બે ઈસમો જાહેરમા જુગાર રમી રહ્યા છે. જે હકીકતના આધારે પોલીસે રેડ કરતા સ્થળ પરથી જુગાર રમતા પ્રવિણ રઘાભાઇ સનુરા, સિરાજ મળી આવ્યા હતા. પરંતુ તેમાંથી પ્રવિણ રઘાભાઇ સનુરા નામનો આરોપી પકડાયો હતો. જયારે સિરાજ ભાગી છૂટ્યો હતો.ત્યારે પોલીસે સ્થળ પરથી રોકડા રૂપીયા ૧૦,૨૦૦/- નો મુદ્દામાલ કબ્જે કરવામાં આવ્યો હતો.
