પ્રાપ્ત વિગતો અનુસાર મોરબીના વાવડી રોડ પર આવેલ કેશવ હોલ પાસેથી એક બે વર્ષનો બાળક ભૂલો પડી ગયેલ હતો જેની જાણ ત્યાંની એક વ્યક્તિ દ્વારા 100 નંબર પોલીસને કરાતા મોરબી એ ડિવિઝન 100 નંબર પીસીઆર ટીમ સાથે તાત્કાલિક ઘટના સ્થળે પહોંચી હતી જ્યાંથી બે વર્ષના બાળકનો કબજો લઈ તેના વાલી વારસ અને બાળકની ઓળખ મેળવવા સહિત ની તપાસ હાથ ધરી હતી જે દરમિયાન આ બાળક નુ નામ દાનિશ સોહીલભાઈ હોવાનું અને તેના વાલી ક્રિષ્ના પાર્ક સોસાયટી વાવડી રોડ પર રહેતા હોય જેથી પોલીસે બાળકના ઘરે સમ્પર્ક કરી ને જાણ કરી હતી અને ભૂલા પડી ગયેલ બાળકને તેમના વાલી સાથે સુખદ મેળાપ કરાવેલ હતો.
આ સમગ્ર સફળ અને સરાહનીય કામગીરી મોરબી એ ડિવિઝન પોલીસના હેડકોન્સ્ટેબલ ભરતભાઈ ઠાકરશીભાઈ બાવળીયા, તેમજ તેમની સાથે પોલીસ કોન્સ્ટેબલ દિલીપભાઈ જીવાભાઈ છૈયા એ મહેનત અને જહેમત ઉઠાવી હતી પોલીસની આ કામગીરીની સ્થાનિકો દ્વારા ભારોભાર પ્રશંસા કરવામાં આવેલ હતી.
