હળવદ ધ્રાંગધ્રા હાઇવે પર કાર હડફેટે આધેડનું કમકમાટી ભર્યું મોત

મોરબીમાં અકસ્માતોના બનાવો અટકવાનું નામ નથી લઈ રહ્યા. તેવામાં ગત તા.૦૨/૧૧/૨૦૨૨ના રોજ રસ્તા પર જતા એક રાહદારીને પુરપાટ ઝડપે આવતી કારના ચાલકે હડફેટે લેતા રાહદારીનું કમકમાટી ભર્યું મોત નીપજ્યું હતું.

મળતી માહિતી અનુસાર, કનસીંગભાઇ ગુરજીભાઇ રાઠવા નામના ૫૨ વર્ષીય આધેડ ગત તા.૦૨/૧૧/૨૦૨૨ના રોજ હળવદ ધ્રાંગધ્રા હાઇવે રોડ પર કવાડીયા ગામના પાટીયા નજીક હાઇવે રોડ પરથી ચાલીને પસાર થઈ રહ્યા હતા. જે દરમિયાન પાછળથી આવતી GJ-03-DG-7834 નંબરની આઇ-૨૦ કારના ચાલક આનંદભાઇ સુરેશભાઇ પટેલ નામના શખ્સે પોતાના કાર પુરપાટ ઝડપે ચલાવી અને આધેડને હડફેટે લેતા આધેડનું કમકમાટી ભર્યું મોત નીપજ્યું છે. ત્યારે સમગ્ર મામલે આધેડના મિત્ર વેલ્યાભાઇ દુરસિંગભાઇ નાયકાએ હળવદ પોલીસ મથકમાં ફરિયાદ નોંધાવી છે.