હળવદ તેમજ ગ્રામ્ય વિસ્તારમાં આજે પીજીવીસીએલ દ્વારા વીજ ચેકિંગ ડ્રાઈવ કરવામાં આવી હતી. જેમાં રાજકોટ કચેરી દ્વારા મોરબી વર્તુળ કચેરીના હળવદ વિભાગીય કચેરી હેઠળ ગામડાઓમાં ઘર વપરાશ, વાણિજ્યક અને ઔદ્યોગિક હેતુમાં જુદા જુદા વીજ કનેક્શનો ચેક કરવામાં આવ્યા હતા. જેમાં 31 ટીમો બનાવી 465 કનેક્શનો ચકાસવામાં આવ્યા હતા. જેમાંથી 51માં ગેરરીતિ પકડાતા 14.43 લાખનો દંડ ફટકારવામાં આવ્યો હતો.
હળવદ તાલુકામાં આજે વહેલી સવારે પીજીવીસીએલએ વીજ ચેકિંગ ડ્રાઈવનું આયોજન કરવામાં આવ્યું હતું. જેમાં હળવદ તાલુકાના ઘનશ્યામ પુર,ભલગામડા, પલાસણ, દીઘડીયા, માથક,રાયધ્રા અને રણછોડ ગઢમાં કામગીરી હાથ ધરવામાં આવી હતી. આ કામગીરીમાં જામનગર, ભુજ, અંજાર અને મોરબીની તમામ ચેકિંગ માટે 31 ટૂકડીઓ બનાવી કુલ 465 વીજ જોડાણોનું ચેકિંગ કરવામાં આવ્યું હતું. જેમાંથી 48 રહેણાંક મકાનો અને 3 વાણિજ્યકમાં ગેરરીતિ પકડાઈ હતી જેથી 14.44 લાખનો દંડ ફટકારવામાં આવ્યો હતો.
