વાંકાનેરના કારખાનામાં સીડી પરથી લપસીને પડી જતા શ્રમિક યુવાનનું મોત

બનાવની પ્રાપ્ત વિગતો અનુસાર ગઈકાલે તા. 20ના રોજ વાંકાનેરના સરતાનપર રોડ પર કલરટાઇલ કારખાનામાં કામ કરતા બબલુકુમાર ઓમપ્રકાશ રામ (ઉ.વ. 26, મુળ ગામ પીપરસાત,યુ.પી.) સીડી પરથી લપસી ગયા હતા. આથી, તેને કમરના ભાગે તથા માથાના ભાગે ઇજા થઈ હતી. તેને મોરબીની સીવીલ હોસ્પીટલમાં લઇ જવામાં આવ્યા હતા. જ્યાં ફરજ પરના ડોક્ટરે તેને મૃત જાહેર કર્યા હતા. વાંકાનેર તાલુકા પોલીસે આ બનાવ અંગે નોંધ કરી ધોરણસરની કાર્યવાહી કરેલ છે.