ટંકારાનાં નેકનામ ગામ પાસે મોટરસાઇકલ સ્લીપ થતા યુવકનું મોત

ટંકારાનાં નેકનામ ગામ પાસેથી વધુ એક અકસ્માતની ઘટના સામે આવી છે. જેમાં પુરપાટ ઝડપે જતી બાઈક પરથી યુવકે રોડ પરથી વળાંક લેતી વેળાએ કાબુ ગુમાવતા બાઈક સ્લીપ થઇ હતી. તેમજ યુવક સિમેન્ટના પોલ સાથે ધડાકાભેર અથડાતા તેની ઘટનાસ્થળે જ કમકમાટી ભર્યું મોત નીપજ્યું હતું.

મળતી માહિતી અનુસાર, ટંકારાનાં દેવજીભાઇ મેઘજીભાઇ લુણાગરીયાની વાડીમા જિવાપર ગામ ખાતે રહેતા મૂળ એમ.પીના યુવક દિનેશભાઇ રાયસિંગભાઇ બઘેલએ પોતાનું હીરો કંપનીનુ નવુ સુપર સ્પલેન્ડર પ્લસ નંબર પ્લેટ વગરનું મોટરસાઇકલ પુરઝડપે ચલાવી અને રોડ પર વળાંક આવતા મોટરસાઇકલના હેન્ડલ પરનો કાબુ ચાલકે ગુમાવતા મોટરસાઇકલ સ્લીપ થઈ જતા રોડની સાઇડમા આવેલ સિમેન્ટના પોલ સાથે ભટકાડી પોતાને ચહેરા પર ડાબી આંખ તેમજ નાક પાસે ગંભીર ઇજા થતા યુવકનું ઘટના સ્થળે જ કમકમાટી ભર્યું મોત નીપજ્યું હતું.