મોરબીનાં ઘુટુ રોડ પર સીરામિકમા પતરા ઉપરથી પડી જતા રાજકોટનાં શખ્સનું મોત

મોરબીના ઘુટુ રોડ પર આવેલ ઓમેક્ષ સીરામિકમા ગઈકાલે એક દુર્ઘટના સર્જાઈ હતી. જેમાં પતરા ઉપરથી પડી જતા રાજકોટનાં એક શખ્સનું મોત નીપજ્યું હતું.

મળતી માહિતી અનુસાર, રાજકોટના ગ્રામ્ય વિસ્તારમાં રહેતા અયુબભાઈ સતારભાઈ શેખ ગઈકાલે ઘુટુ રોડ પર આવેલ ઓમેક્ષ સીરામિકમા પતરા ઉપર કામ કરી રહ્યા હતા. ત્યારે તાથી પડી જતા તેઓને મોરબી સરકારી હોસ્પિટલમા ખસેડવામાં આવ્યા હતા. જ્યાં ફરજ પરના ડોક્ટરે તેમને મૃત જાહેર કરી સમગ્ર મામલે મોરબી તાલુકા પોલીસ સ્ટેશનમાં અકાળે મોતની નોંધ કરવામાં આવી છે.