લોકસભાની ચૂંટણી તેમજ મોરબી નગરપાલીકાની ચૂંટણી નજીક આવી રહી છે. જેને લઈ આમ આદમી પાર્ટી દ્વારા આજ રોજ મોરબી જીલ્લા કાર્યાલય ખુલ્લું મુકવામાં આવ્યું છે. જેમાં આપનાં પ્રદેશ પ્રમુખ ઇસુદાન ગઢવીના વરદ હસ્તે મોરબી જીલ્લા કાર્યાલયનું ઉદઘાટન કરવામા આવ્યું હતું. આ પ્રસંગે પ્રદેશ કાર્યકારી પ્રમુખ કૈલાશદાન ગઢવી, મોરબી જીલ્લા પ્રમુખ ગિરીશ પેથાપરા, મોરબી જીલ્લા પ્રભારી પંકજ રાણસરિયા તેમજ ઉપપ્રમુખ, જિલ્લાના બીજા તમામ હોદેદારો હાજર રહ્યા હતા.
આમ આદમી પાર્ટીનાં પ્રદેશ પ્રમુખ ઇસુદાન ગઢવી આજરોજ મોરબીની મુલાકાતે આવ્યા હતા. જ્યાં તેઓએ મોરબી જીલ્લા કાર્યાલય ખુલ્લું મૂક્યું હતું. જ્યાં મોટી સંખ્યામાં આપના કાર્યકરો અને હોદેદારો ઉપસ્થિત રહ્યા હતા. તેમજ ઇસુદાન ગઢવીના વરદ હસ્તે મોરબી રેવન્યુ બાર.ના ઉપપ્રમુખ તથા જાણીતા વકીલ ભાવિન પટેલ ( ગુરુ )ને આપમાં સામેલ કર્યા હતા. આ પ્રસંગે ઇસુદાન ગઢવીએ તમામ હોદેદારો સાથે આવનારી મોરબી નગરપાલીકાની ચૂંટણી વિશે પણ ચર્ચા કરી હતી અને આવનારા સમયમા ખુબ મોટી સંખ્યામા લોકો આમ આદમી પાર્ટીમા જોડાશે એવી આશા વ્યકત કરી હતી.
