મોરબીના મહેન્દ્રનગર ગામે ઈસમે લાકડી વડે ધસી જઈ મહિલાને મારી નાખવાની ધમકી આપતા ગુનો નોંધાયો

મોરબી ના મહેન્દ્ર નગર ગામે નજીવી બાબતે યુવકે મહિલા પાસે લાકડી સાથે ધસી જઈને મહિલાને મારી નાખવાની ધમકી આપી હતી.

જે બનાવની વિગત મુજબ મોરબીના મહેન્દ્ર નગર ગામે રહેતા ફરીયાદી લીલા બેન ઈશ્વરભાઈ ચાડમિયા ગત પરમદિવસે રાત્રીના સમયે પોતાના ઘર પાસે શેરીમાં બેઠા હતા ત્યારે ત્યાં જ રહેતો ઇસમ આશિષ ધીરુભાઈ વીરડા પોતાની સફેદ કલરની ગાડી લઈને ત્યાં આવ્યો હતો અને ગાડી ઊભી રાખી ફરીયાદી મહિલાને કહેલ કે ‘ દસ દિવસ પેહલા હું ગાડી લઈને નીકળેલ ત્યારે મારી વાતું કેમ કરતા હતા” તેમજ કહી ફરીયાદી મહિલાને ગાળો આપી ગાડીની દેકી માંથી લાકડી કાઢીને મારવાનો પ્રયાસ કર્યો હતો તેમજ ફરિયાદીને જાનથી મારી નાખવાની ધમકી આપતા સમગ્ર મામલે મોરબી સીટી બી ડિવિઝન પોલીસે ગુનો નોંધી આરોપીની શોધખોળ હાથ ધરી છે.