છેલ્લા ઘણા સમયથી દરરોજ જુગાર રમતા ઈસમો પકડાવવાના બનાવો સામે આવી રહ્યા છે. ત્યારે ગઈકાલે મોરબી સીટી બી ડિવિઝન પોલીસે ઇન્દીરાનગર મંગલમ્ શેરીમાંથી ૪ પત્તાપ્રેમીઓને જુગાર રમતા પકડી પાડી તમામ વિરુદ્ધ જુગાર ધારા કલમ-૧૨ મુજબ ગુન્હો નોંધી કાયદેસરની કાર્યવાહી હાથ ધરવામાં આવી છે.
મળતી માહિતી અનુસાર, ગઈકાલે મોરબી સીટી બી ડિવિઝન પોલીસની ટીમ ગઈકાલે પેટ્રોલિંગમાં હતી. ત્યારે તેઓને બાતમી મળી હતી કે, ઇન્દીરાનગર મંગલમ્ જાહેર શેરીમાં અમુક ઈસમો જુગાર રમી રહ્યા છે. જે હકીકતના આધારે તેઓએ સ્થળે રેઈડ કરી જુગાર રમતા મુકેશભાઇ ગોરધનભાઇ સુરેલા (રહે.ઇન્દીરાનગર મોરબી-૨), સુનીલભાઇ ગોરધનભાઇ સુરેલા (રહે.ત્રાજપર ખારી ના નાકા મોરબી-૨), રોહીતભાઇ કેશુભાઇ કુંવરીયા (રહે.ઇન્દીરાનગર મંગલમ વિસ્તાર મોરબી-૨) તથા રણજીતભાઇ ગજાભાઇ સાતોલા (રહે.ઇન્દીરાનગર મંગલમ વિસ્તાર મોરબી-૨) નામના શખ્સોને ગંજીપતાના પાના વડે તીન પતીનો જુગાર રમતા પકડી પાડી તેમની પાસેથી રોકડા રૂ-૪૫૦૦/- નો મુદ્દામાલ કબ્જે કરી કાયદેસરની કાર્યવાહી હાથ ધરી છે.
