મોરબીમાં વિદેશી દારૂનો વેપલો ચાલવતા ઈસમો પકડાવવાનો સિલસિલો યથાવત રહ્યો છે. ત્યારે ગઈકાલે મોરબી સીટી એ ડિવીઝન પોલીસે બાતમીનાં આધારે લાતીપ્લોટ વિસ્તારમાંથી વિદેશી દારૂની બોટલો સાથે એક ઈસમને ઝડપી પાડ્યો હતો. જયારે અન્ય આરોપી સ્થળ પર હાજર મળી ન આવતા તેને વોન્ટેડ જાહેર કરી કાયદેસરની કાર્યવાહી હાથ ધરવામાં આવી છે.
મળતી માહિતી અનુસાર, મોરબી સીટી એ ડિવીઝન પોલીસ ગઈકાલે પેટ્રોલિંગમાં હતી. ત્યારે તેઓને બાતમી મળી હતી કે, લાતીપ્લોટ શેરી નં.૦૩ રોડ ઉપરથી એક શખ્સ પસાર થનારછે જેની પાસે બિયરનાં ટીન છે. જે હકીકતના આધારે પોલીસે સ્થળ પર વોચ ગોઠવી રાખી યુનુશભાઇ ઇસાભાઇ સુમરા (રહે.વિરપરડા તા.જી.મોરબી) નામના શખ્સને પકડી પાડી તેની તપાસ કરતા આરોપી પાસેથી ભારતીય બનાવટના પરપ્રાંતીય ટ્યુબર્ગ સ્ટ્રોંગ સુપ્રીમ પ્રીમીયમ ડેનીશ બીયરના રૂ.૧,૬૦૦/-ની કિંમતના ૧૬ ટીન મળી આવતા પોલીસે આ મુદ્દામાલ ક્યાંથી લાવ્યો તે અંગે આરોપીને પુછતા આરોપીએ આ મુદ્દામાલ સાહીલ રહીમભાઇ ચાનીયા (રહે.જોન્સનગર મોરબી) પાસેથી ખરીદ્યો હોવાનું જણાવ્યું હતું. જેને લઈ પોલીસે બંને વિરુદ્ધ ગુન્હો દાખલ કરી કાયદેસરની કાર્યવાહી હાથ ધરી છે.
