મોરબી તાલુકા પોલીસે ગઈકાલે બાતમીના આધારે મકનસર ધર્મમંગલ સોસાયટી ખાતે આવેલ રહેણાંક મકાનમાં રેઈડ કરી હતી. અને વિદેશી દારૂના મુદ્દામાલ સાથે મહિલા આરોપી સહીત બેને પકડી પાડી કાયદેસરની કાર્યવાહી હાથ ધરી છે.
મળતી માહિતી અનુસાર, મોરબી તાલુકા પોલીસની ટીમને ગઈકાલે બાતમી મળી હતી કે, મકનસર ધર્મમંગલ સોસાયટી ખાતે રહેતી મૂળ અમદાવાદની સપનાબેન ઠાકુરદાસ રામચંદાણી નામના મહિલા પોતાના રહેણાંક મકાને વિદેશી દારૂનો જથ્થો મંગાવી છુપાડી રાખી તેનું વેચાણ કરે છે. જે હકીકતના આધારે પોલીસે સ્થળ પર રેઈડ કરી રહેણાંક મકાનમાં ગેરકાયદેસર રીતે પાસ પરમીટ કે આધાર વગર છુપાળેલ ભારતીય બનાવટના પરપ્રાંતીય વિદેશી દારૂની મેકડોવેલ્સ નંબર-૧ કલેકશન વ્હીસ્કીની કાચની કંપની સીલ પેક રૂ.૫૨૫૦/-ની કિંમતની ૧૪ બોટલોનો મુદામાલ વેચાણ કરવાના ઇરાદે રાખેલ હોય જે મુદ્દામાલ સાથે સપનાબેન ઠાકુરદાસ રામચંદાણી સહિત બે શખ્સો મળી આવતા પોલીસે બંનેની અટકાયત કરી કાયદેસરની કાર્યવાહી હાથ ધરી છે.
