હળવદમાં બે બાઈક વચ્ચે સર્જાયો અકસ્માત : એક ઈજાગ્રસ્ત

હળવદ તાલુકાના નવા ઘનશ્યામગઢ ગામે યુવક મોટર સાયકલ લઈને જતો હતો. ત્યારે સામેથી પુરઝડપે આવતી મોટરસાઇકલ યુવકના મોટર સાયકલ સાથે ભટકાડતા યુવકને નીચે પાડી જતા તેને ઈજાઓ પહોંચી હતી. જે સમગ્ર મામલે હળવદ પોલીસ સ્ટેશનમાં ફરિયાદ નોંધાઈ છે.

મળતી માહિતી અનુસાર, હળવદ તાલુકાના નવા ઘનશ્યામગઢ ગામે રહેતા અને ખેતી કામ કરતા અરવિંદભાઈ બાવલભાઇ ગોપાણી પોતાનું GJ-13-P-1092 નંબરનું મોટર સાયકલ લઈને નવા ઘનશ્યામગઢ ગામે જતા હતાં. ત્યારે GJ-36-AG-0396 નંબરના મોટર સાયકલના ચાલકે પોતાની મોટરસાઇકલ પુરઝડપે અને ગફલતભરી રીતે મનુષ્યની જીદગી જોખમાય તે રીતે ચલાવી ફરીયાદીના હવાલાવાળા મોટર સાયકલ સાથે સામેથી ભટકાડતા ફરીયાદીને મોટર સાયકલ સહીત પાડી દઈ ફરીયાદીને ડાબા પગના અંગુઠામા ફેકચર કરી તથા શરીરે નાની મોટી ઇજાઓ પહોંચાડતા આપી વિરૂદ્ધ હળવદ પોલીસ સ્ટેશનમાં ફરિયાદ દાખલ કરવામાં આવી છે.