વાંકાનેર તાલુકાના સરતાનપર સેન્સો ચોકડી પાસે ટ્રક ચાલકે જોયા વગર ટ્રક ખાલી સાઈડમાં એકદમ સ્પીડમાં ટર્ન મારી લેતા મોટર સાયકલને ઠોકર મારતાં બે વ્યક્તિને સામાન્ય ઇજા પહોંચી હતી. જ્યારે એક વ્યક્તિનું અક્સ્માતમાં મોત થતાં વાંકાનેર તાલુકા પોલીસ સ્ટેશન ખાતે મૃતકના પુત્ર દ્વારા ફરિયાદ દાખલ કરાવવામાં આવી છે.
મળતી માહિતી અનુસાર,સરતાનપર રોડ પાંજરાપોળ ગૌશાળામાં બંધુનગર ખાતે રહેતા મૂળ સુરેન્દ્રનગરના લાભુબેન નાગજીભાઇ વિંજવાડીયા ગત તા.૧૮/૦૯/૨૦૨૩ ના રોજ બપોરનાં સમયે વાંકાનેર તાલુકાના સરતાનપર સેન્સો ચોકડી રોડ પરથી પોતાના દીકરા તથા પતિ સાથે GJ13PP2274 નંબરની હીરો સ્પલેન્ડર મોટરસાઇકલ પર જઈ રહ્યા હોય ત્યારે RJ32GB7799 નંબરનાં ટ્રક ટ્રેલરના ચાલકે પોતાનુ કબ્જા ભોગવટાનો ટ્રક જોયા વગર ખાલી સાઇડમાં એકદમ સ્પીડમાં ટર્ન મારતા ફરિયાદીના મોટરસાઈકલને ઠોકર મારી ફરીયાદીને સામાન્ય ઇજા તથા તેના દીકરા રમેશ નાગજીભાઇને ડાબા હાથમાં ગંભીર ઇજા તથા તેના પતિ નાગજીભાઇ ધરમશીભાઇને માથામાં ગંભીર ઇજા પહોંચાડી મોત નીપજાવી પોતાની વાહન મુકી નાશી જતા સમગ્ર મામલે વાંકાનેર તાલુકા પોલીસ સ્ટેશનમાં ફરિયાદ નોંધાઈ છે.
