મોરબીમાં જુગારીઓ ઝડપાવવાનો સિલસિલો યથાવત રહ્યો છે. ગઈકાલે મોરબી જિલ્લા પોલીસે બે સ્થળોએ રેઈડ કરી કુલ ચાર પત્તાપ્રેમીઓને પકડી પાડ્યા છે. જયારે એક ઈસમ ફરાર થઇ જતા તેને પકડવા ચક્રો ગતિમાન કરવામાં આવ્યા છે.
પ્રથમ દરોડામાં, મોરબી સીટી એ ડિવીઝનની ટિમ દ્વારા મોરબી કન્યાછાત્રાલય રોડ રામસેતુટાવરના ધાબા ઉપર રેઈડ કરવામાં આવી હતી અને સ્થળ પર જુગર રમતા દુલેરાયભાઇ જીવરાજભાઇ અંબાણી તથા જગદીશભાઇ જીવરાજભાઇ ભાલોડીયા નામના શખ્સોને ગંજી પતાના પાના વડે પૈસાની હારજીતનો તીન-પતીનો રોન પોલીસનો નશીબ આધારીત જુગાર રમતા રોકડા રૂ.૫૩,૫૦૦/-ના મુદામાલ સાથે પકડી પાડી કાયદેસરની કાર્યવાહી હાથ ધરી છે.
બીજા દરોડામાં, ટંકારા પોલીસની ટિમ દ્વારા બાતમીના આધારે ઘુનડા(સ)ગામ મનીષભાઇ બગથીરયા ખોજાના મકાનની આગળના ભાગે ખુલ્લી શેરીમાં રેઈડ કરવામાં આવી હતી અને સ્થળ પરથી મનીષભાઇ વજીરભાઇ બગથરીયા, મુકેશભાઇ ગણેશભાઇ પાટડીયા, પ્રિતેશભાઇ ગોરધનભાઇ ચૌહાણ તથા ઉમેશભાઇ ભીખાભાઇ બાબરીયા નામના શખ્સોને જુગાર રમતા પકડી પાડી તેમની પાસેથી રોકડ રૂપીયા ૧૧,૯૦૦/-નો મુદ્દામાલ કબ્જે કરવામાં આવ્યો હતો. જયારે રામજીભાઇ આહીર નામનો શખ્સ ફરાર થઇ જતા તેને પકડી પાડી કાયદેસરની કાર્યવાહી હાથ ધરવામાં આવી છે.
