ટંકારામાં માર્ગ અકસ્માતમાં વધુ એક યુવકનો ભોગ લેવાયો છે. જેમાં મિતાણા નેકનામ રોડ પાસે આવેલ ગણેશપર પાટીયા થોડે આગળ મિતાણા ગામ તરફ રોડ પર પુરપાટ ઝડપે જતા ટાટા કંપનીનાં એક અજાણ્યા વાહને એક રાહદારી યુવકને હડફેટે લેતા યુવકનું મોત નીપજ્યું હતું. જે સમગ્ર મામલે ટંકારા પોલીસે વાહન ચાલક વિરુધ્ધ ગુન્હો નોંધી કાયદેસરની કાર્યવાહી હાથ ધરી છે.
મળતી માહિતી અનુસાર, ટંકારાનાં મિતાણા ખાતે રહેતા ભરતભાઇ નરશીભાઇ ઢેઢીના ભાઈ હરેશભાઇ ગત તા-૨૧/૦૯/૨૦૨૩ ના સાડા સાતેક આઠેક વાગ્યાના અરસામા મિતાણા નેકનામ રોડ પાસે આવેલ ગણેશપર પાટીયા થોડે આગળ મિતાણા ગામ તરફ રોડ પર પગપાળા ચાલીને જતા હોય ત્યારે MH-03-CV-3832 નંબરની ટાટા કંપનીની કેશરી કલરની ગાડીના ચાલકે પોતાનું વાહન પુરઝડપે અને બેફીકરાઇથી મનુષ્યની જીંદગી જોખમાય તે રીતે ચલાવી હરેશભાઇને હડફેટે લઇ માથાના ભાગે ગંભીર ઇજાઓ કરી મોત નિપજાવી પોતાની ગાડી ઉભી ન રાખી નાશી જતા સમગ્ર મામલે ટંકારા પોલીસ સ્ટેશનમાં ફરિયાદ નોંધાઈ છે.
