ખાખરેચી ગામેથી વર્લીફીચરનો જુગાર રમાડતા ઈસમને માળીયા મીયાણા પોલીસે પકડી પાડયો

માળીયા મીયાણાના ખાખરેચી ગામે આવેલ સંતોકી ઝાપા પાસે જાહેરમાં બોલપેન તથા ડાયરી વડે પૈસાની હારજીતનો વર્લીફીચરનો જુગાર રમી રમાડતા કુલ રૂ.800/-ના મુદ્દામાલ સાથે ઈસમને માળીયા મિયાણા પોલીસે પકડી પાડી કાયદેસરની કાર્યવાહી હાથ ધરી છે.

મળતી માહિતી અનુસાર, માળીયા મીયાણાના ખાખરેચી સરદારનગર ખાતે રહેતો અને મજૂરી કરતો અવચરભાઈ હમીરભાઈ ધામેચા નામનો ઈસમ ખાખરેચી ગામે આવેલ સંતોકી ઝાપા પાસે જાહેરમાં બોલપેન તથા ડાયરી વડે પૈસાની હારજીતનો વર્લીફીચરનો જુગાર રમી રમાડતો હોવાની બાતમી મળતા માળીયા મિયાણા પોલીસે સ્થળ પર રેઈડ કરી કુલ રૂ.800/-નાં મુદામાલ સાથે ઈસમ મળી આવતા માળીયા મિયાણા પોલીસ દ્વારા તેની અટકાયત કરી તેના વિરૂદ્ધ કાયદેસરની કાર્યવાહી હાથ ધરી છે.