મોરબીના ત્રાજપર ગામમાં બેચરાજીમાતાના મઢવાળી શેરીમાં જાહેરમાં જુગાર રમતા જુગારીઓને મોરબી સીટી બી ડિવિઝન પોલીસે રેઇડ પાડી રંગમાં ભંગ પાડ્યો છે. ગંજીપાના વડે હારજીતનો જુગાર રમતા ચાર ઇસમોને સ્થળ પર પકડી પાડ્યા છે. જ્યારે એક નાશી છૂટતા તમામ વિરૂદ્ધ ગુન્હો દાખલ કરીને કાયદેસરની કાર્યવાહી હાથ ધરી છે.
મળતી માહિતી અનુસાર, મોરબીના ત્રાજપર ગામમાં બેચરાજીમાતાના મઢવાળી શેરીમાં જાહેરમાં ગંજીપતાના પાના પૈસા વતી તીનપતીનો નશીબ આધારીત હારજીતનો જુગાર રમતા ઈસમો પર જુગારની રેઇડ કરતા રોકડા રૂ.૧૮,૧૦૦/-નાં મુદ્દામાલ સાથે સ્થળ પરથી આરોપી મયુરભાઇ રમેશભાઇ ધરોડીયા, ધરમશીભાઇ ઉર્ફે લાલો રાજુભાઇ ગણેશીયા, કિરણભાઇ ઉર્ફે ગડો કાનાભાઇ ટીડાણી, ગોવિંદભાઇ ઉર્ફે ગલી દિનેશભાઇ અદગામા ઝડપાયા હતા. જ્યારે આરોપી મંગાભાઇ જીવણભાઇ કોળી રેઇડ દરમિયાન નાશી જતાં તેના વિરૂદ્ધ મોરબી સીટી બી ડિવિઝન પોલીસે ગુન્હો દાખલ કરી કાયદેસરની કાર્યવાહી હાથ ધરી છે.
