મોરબીમાં મિત્રે મસ્તી કરવાની ના પાડતા ઉશ્કેરાયેલ ઈસમે છરી વડે યુવક પર હુમલો કર્યો હતો. જેમાં યુવક ઘવાઈ જતા તેને સારવારમાં ખસેડી સમગ્ર મામલે મોરબી સીટી બી ડિવિઝન પોલીસ સ્ટેશનમાં ફરિયાદ દાખલ કરવામાં આવી છે.
મળતી માહિતી અનુસાર, મોરબીમાં ઈન્દિરા નગર, અબ્બાસની દુકાન પાસે રહેતો રતીલાલભાઈ ઉર્ફે અતુલભાઈ નાનજીભાઈ સોલંકી નામનો યુવક ગત તા.૦૪/૧૦/૨૦૨૩ ના રાત્રીના સમયે શીવમ હોસ્પીટલ બાજુમા,ચાની કેબીન પાસે મિત્રો સાથે બેઠો હોય ત્યારે રવિભાઈ છગનદાસ નિમાવત (રહે.મોરબી)એ રતીલાલભાઈ ઉર્ફે અતુલભાઈની મશ્કરી કરતા ફરીયાદી રતીલાલભાઈએ મશ્કરી કરવાની ના પાડતા આરોપીને સારૂ નહી લાગતા આરોપીએ ફરીયાદીને જાહેરમા ગાળો આપી જાતી પ્રત્યે અપમાનજનક શબ્દ બોલી ફરિયાદીને વાંસાના ભાગે જમણા ખંભા પાસે છરીનો એક ઘા મારી ઈજા પહોંચાડતા ફરિયાદીને સારવાર અર્થે હોસ્પીટલ ખાતે ખસેડવામાં આવ્યો હતો. અને સમગ્ર મામલે મોરબી સીટી બી ડિવિઝન પોલીસ સ્ટેશનમાં ફરિયાદ દાખલ કરવામાં આવી છે.
