વાંકાનેરમાં દેશી દારૂ પકડાવવાનો સિલસિલો યથાવત રહ્યો છે. ત્યારે ગઈકાલે વાંકાનેર સીટી પોલીસ દ્વારા જીનપરા જકાતનાકા હાઈવે રોડ ઉપરથી એક સ્વીફટ કારમાં લઈ જવાતો દેશી દારૂનો જથ્થો પકડી પાડવામાં આવ્યો છે. અને સ્વીફટ કારનાં ચાલક ની અટકાયત કરવામાં આવી છે.
મળતી માહિતી અનુસાર, વાંકાનેર સીટી પોલીસની ટીમ ગઈકાલે પેટ્રોલિંગમાં હોય ત્યારે તેઓને બાતમી મળી હતી કે, GJ-01-HS-0701 નંબરની એક સ્વીફટ કાર જીનપરા જકાતનાકા હાઈવે રોડ ઉપરથી પસાર થનાર છે. જેમાં દેશી દારૂનો જથ્થો હેરાફેરી કરવામાં આવી રહ્યો છે. જે હકીકતનાં આધારે પોલીસે સ્થળ પર વોચ ગોઠવી રાખી બાતમીવાળી કાર સ્થળ પરથી પસાર થતા પોલીસે તેને રોકી કાર ચાલક આરોપી વનરાજભાઈ સામંતભાઈ મેર (રહે.હાલ રેસમીયા તા.ચોટીલા જી.સુરેન્દ્રનગર મૂળ રહે.ડાકવડલા તા.ચોટીલા જી.સુરેન્દ્રનગર)ની પૂછપરછ કરી કારની તપાસ કરતા કારમાંથી રૂ.૧૦,૦૦૦/-ની કિંમતનો ૫૦૦ લીટર દેશીદારૂનો જથ્થો મળી આવ્યો હતો. જેને લઇ પોલીસે દેશી દારૂનો જથ્થો પકડી પાડી કાર તથા એક મોબાઈલ સહીત કુલ રૂ.૯૨,૦૦૦/-નો મુદ્દામાલ કબ્જે કર્યો છે. અને આરોપીની અટકાયત કરી કાયદેસરની કાર્યવાહી હાથ ધરી છે.
