ભારતભરમાં 09 ઓક્ટોમ્બર 2023 થી 13 ઓક્ટોમ્બર સુધી રાષ્ટ્રીય ટપાલ સપ્તાહની ઉજવણી કરવામાં આવી રહી છે. જેના ભાગરૂપે મોરબી મુખ્ય પોસ્ટ ઓફિસ ખાતે 10/10/2023 ને મંગળવારના રોજ વિત્તિય સશક્તિકરણ દિવસ ઉજવવામાં આવેશે જેના અનુસંધાને પોસ્ટ ઓફિસના વિવિધ ખાતા ખોલવા માટેનાં મેગા કેમ્પનું આયોજન કરવામાં આવ્યું છે…
રાષ્ટ્રીય ટપાલ સપ્તાહ અંતર્ગત વિત્તિય સશક્તિકરણ દિવસની ઉજવણી મોરબી મેઈન પોસ્ટ ઓફિસમાં ઉજવવાનું નક્કી કરવામાં આવ્યું છે. પોસ્ટ ઓફિસમાં સેવિંગ ખાતા,સુકન્યાનાં ખાતા, મહિલા સન્માન બચત પત્ર PPF ના ખાતા તેમજ પોસ્ટ ઓફિસની વિવિધ યોજનાઓનાં ખાતા ખોલવા માટે ખાસ કેમ્પ નું આયોજન કરવામાં આવેલ છે. આ કેમ્પમાં ગ્રાહકોને ફોર્મ પણ ભરી આપવા ની વ્યવસ્થા કરવામાં આવી છે તો આવતી કાલે મોરબીની જાહેર જનતા ને આ કેમ્પ નો બહોળી સંખ્યામાં લાભ લેવા મોરબી એમડીજીના પોસ્ટ માસ્ટર પરાગભાઈ વસંતે જણાવ્યું છે.
