સરતાનપર રોડ જી ટોપ કારખાના સામે રોડ ઉપર એક યુવક પોતાની મોટર સાયકલ પુર ઝડપે ચલાવી નેશનલ હાઇવે પર સામસામે બે અજાણી ટ્રક એકાબીજાને ક્રોસ કરતી હતી. એ જ વખતે આગળ જતી બોરા ભરેલી ટ્રકની સાઇડ કાપતા બંન્ને ટ્રકની વચ્ચે મોટર સાયકલ સહીત હડફેટમાં આવી ટ્રકના ટાયરમાં આવી જતા ગંભીર ઇજા પહોંચતા યુવકનું ઘટના સ્થળે જ મોત નીપજ્યું હતું. જે સમગ્ર મામલે મોરબી તાલુકા પોલીસ સ્ટેશનમાં ફરિયાદ નોંધાઈ છે.
મળતી માહિતી અનુસાર, વાંકાનેરનાં નશીતપર પ્લોટ વિસ્તારમાં રહેતા જગદીશભાઇ ઉર્ફે ઘનશ્યામભાઇ સવજીભાઇ કણસાંગરાનો દીકરો ચિંતન જગદીશભાઇ ઉર્ફે ઘનશ્યામભાઇ કણસાંગરા સરતાનપર રોડ જી ટોપ કારખાના સામે રોડ ઉપર પોતાની GJ-36-AH-3068 નંબરની મોટરસાઈકલ લઈને જઈ રહેલ હોય ત્યારે સામસામે બે અજાણી ટ્રક એકાબીજાને ક્રોસ કરતા હતા. એ જ વખતે ચિંતને પોતાના હવાલા વાળું હીરો સુપર સ્પ્લેન્ડર મોટર સાયકલપુર ઝડપે બેદરકારીથી ચલાવી નેશનલ હાઇવે પર આવેલ સરતાનપર ચોકડીથી સરતાનપર રોડ ઉપર જવા તેની આગળ જતી બોરા ભરેલી ટ્રકની સાઇડ કાપતા બંન્ને ટ્રકની વચ્ચે મોટર સાયકલ સહીત હડફેટમાં આવી ટ્રકના ટાયરમાં આવી જતા પોતે પોતાના શરીરે ચહેરા ઉપર માથામાં,છાતીમાં તથા ડાબા પગમાં ગંભીર ઇજાઓ તેમજ અન્ય છોલછાલની ઇજાઓ પહોંચાડી સ્થળ ઉપર જ મૃત્યુ પામતા સમગ્ર મામલે મૃતકનાં પિતા દ્વારા મોરબી તાલુકા પોલીસ સ્ટેશનમાં ગુન્હો નોંધાવાયો છે.
