મોરબીમાં સ્ટ્રીટ લાઇટના અજવાળે જુગાર રમતા બે ઝડપાયા

મોરબીમાં જુગારીઓ પકડાવવાનો સિલસિલો યથાવત રહ્યો છે. ગઈકાલે બે ઈસમોને રેલ્વે સ્ટેશન પાછળ ખાડા વિસ્તારમા જુગાર રમતા મોરબી સીટી બી ડિવિઝન પોલીસે પકડી પાડી કાયદેસરની કાર્યવાહી હાથ ધરી છે.

મળતી માહિતી અનુસાર, મોરબી સીટી બી ડિવિઝન પોલીસની ટીમ ગઈકાલે પેટ્રોલિંગમાં હતી. ત્યારે તેઓને બાતમી મળી હતી કે, રેલ્વે સ્ટેશન પાછળ ખાડા વિસ્તારમા બે ઈસમો જાહેરમાં સ્ટ્રીટ લાઇટના અજવાળે ગંજીપતાના પાના વડે પૈસાની હારજીતનો તીનપતી રોન પોલીશનો જુગાર રમી રહ્યા છે. જે હકીકતના આધારે પોલીસે સ્થળ પર રેઈડ કરી રમેશભાઇ ધનજીભાઇ સોલંકી તથા શનીભાઇ ધીરૂભાઇ સોલંકી નામના શખ્સોને પકડી પાડી રોકડા રૂપીયા-૧૦૭૦/-નો મુદ્દામાલ કબ્જે કરી કાયદેસરની કાર્યવાહી હાથ ધરી છે.