મોરબીના લાલપર નજીક બાવળની કાંટમાંથી યુવકનો હત્યા કરાયેલ મૃતદેહ મળી આવ્યો

મોરબીના લાલપર ગામે થી યુવક નો હત્યા કરાયેલ હાલતમાં મૃતદેહ મળી આવતા પોલીસે મૃતદેહને પીએમ અર્થે ખસેડી તપાસ શરૂ કરી છે.

બનાવની વિગત અનુસાર, મોરબીના લાલપર નજીક લાલપર પ્રાથમિક આરોગ્ય કેન્દ્રની પાછળ અવેડાની બાજુમાં બાવળની કાંટમાંથી બાબુભાઈ ઉર્ફે બાલુભાઈ નાનાભાઈ ખાંટ (રહે.મસાદરા,તા.માલપુર,જી.અરવલ્લી) નામના યુવકનો હત્યા કરાયેલ મૃતદેહ મળી આવતા ખળભળાટ મચી જવા પામ્યો છે. ત્યારે બનાવની જાણ થતા મોરબી તાલુકા પોલીસનો કાફલો ઘટનાસ્થળે પહોંચ્યો હતો. અને મૃતદેહ કબ્જે કરી પોએમ અર્થે ખસેડ્યો હતો. ત્યારે યુવકની માથામાં બોથડ પદાર્થના ઘા ઝીંકી હત્યા કરાઈ હોવાનું પ્રાથમિક દ્રષ્ટિએ નજરે પડી રહ્યું છે. તેમજ સમગ્ર મામલે મોરબી તાલુકા પોલીસે વધુ તપાસ હાથ ધરી છે.