મોરબીમાં તરગારા સ્ટેન્ડ પાસેથી વર્લીફીચરનું જુગાર રમાડતો ઈસમ ઝડપાયો

મોરબી જિલ્લામાં પ્રસરતી જતી જુગારની બદીને અટકાવવા મોરબી જિલ્લા પોલીસ દ્વારા એક બાદ એક રેઇડ કરી ઈસમોને પકડવામાં આવી રહી છે. ત્યારે ગઈકાલે મોરબી સીટી એ ડિવીઝન પોલીસ દ્વારા તરગારા સ્ટેન્ડ પાસે આવેલ નાસ્તા ગલીમા રેઈડ કરી વર્લીફીચરનું જુગાર રમાડતા ઈસમને પકડી પાડવામાં આવ્યો હતો.

મળતી માહિતી અનુસાર, મોરબી સીટી એ ડિવીઝન પોલીસની ટીમ ગઈકાલે પેટ્રોલિંગમાં હોય ત્યારે તેઓને બાતમી મળી હતી કે, તરગારા સ્ટેન્ડ પાસે આવેલ નાસ્તા ગલીમા આરીફભાઈ યાકુબભાઈ કચ્છી (રહે. કુબેરનાથ મેઈન રોડ મેમણ શેરી મોરબી) નામનો ઈસમ જાહેરમાં વર્લીફીચરના નશીબ આધારિત આંકડા લખી જુગાર રમાડી રહ્યો છે. જે હકીકતનાં આધારે પોલીસે સ્થળ પર રેઈડ કરી આરોપીને જુગાર સાહિત્ય વર્લી ફીચરના આંકડા લખેલ એક ચીઠી તથા રોકડ રૂ.૩૭૫૦/-ના મુદામાલ સાથે પકડી પાડી કાયદેસરની કાર્યવાહી હાથ ધરી છે.