ટંકારાથી મોરબી જતા અનસ હોટલ પહેલા રોડ પર બે યુવકો મોટરસાયકલ પર જતાં હતાં. ત્યારે મોટરસાઈકલ ચાલક યુવકે અચાનક બ્રેક મારતાં મોટર સાયકલ સ્લીપ થઈ જતાં પાછળ બેસેલ યુવકને ગુપ્ત ભાગના ઇજા પહોંચતા તેનું મૃત્યુ નીપજ્યું હતું. જેને લઇને ટંકારા પોલીસે સ્ટેશન ખાતે ગુન્હો દાખલ કરાયો છે.
મળતી માહિતી અનુસાર, દાહોદનાં પાનમ ગામે રહેતો અજીતકુમાર દિતીયાભાઇ બામણીયા નામનો શખ્સ ગત તા.04/11/2023 ના રોજ પોતાની MP-45-MN-8536 નંબરની મોટર સાયકલ લઈ તેના એક મિત્ર સાથે ગેસનો નાનો બાટલો તથા ઘરનો સામાન લઇને ટંકારા થી સજનપર જતો હતો. ત્યારે અજીતકુમાર બામણીયાએ પોતાના હવાલાવાળુ મોટરસાયકલ પુરઝડપે અને બેફીકરાઇથી ચલાવી ટંકારા થી મોરબી જતા અનસ હોટલ પહેલા રોડ પર અચાનક બ્રેક મારતા મોટર સાયકલ સ્લીપ ખાઇ જતા પાછળ બેઠેલ યુવક સામાન સાથે રોડની પાળી બાજુ પડી જતા યુવકને ગુપ્ત ભાગે ગંભીર ઇજા થતા મૃત્યુ પામ્યાનો બનાવ બન્યો હતો. ત્યારે મૃત્યુ મરણ જનારના ભાઈ રાજુભાઈ અભલાભાઈ કટારા દ્વારા ટંકારા પોલીસ સ્ટેશન ખાતે ફરિયાદ દાખલ કરતા આરોપીને પકડવા પોલીસે કાયદેસરની કાર્યવાહી હાથ ધરી છે.
