વાંકાનેરના જોધપર ગામ પાસે નેશનલ હાઇવે પરથી એક ઈસમ બિયરના ટીન સાથે ઝડપાયો

મોરબીમાં વિદેશી દારૂ/બિયર ઝડપાવવાનો સિલસિલો યથાવત રહ્યો છે. વાંકાનેર તાલુકાના જોધપર ગામ સામે આવેલ નેશનલ હાઇવે રોડના ઓવરબ્રીઝ પાસેથી એક ઈસમ બીયરનાં ટીન સાથે મળી આવતા વાંકાનેર તાલુકા પોલીસે ઈસમની અટકાયત કરી કાયદેસરની કાર્યવાહી હાથ ધરી છે.

મળતી માહિતી અનુસાર, વાંકાનેર તાલુકા પોલીસની ટીમે બાતમીનાં આધારે  વાંકાનેર તાલુકાના જોધપર ગામ સામે આવેલ નેશનલ હાઇવે  રોડના ઓવરબ્રીઝ પાસે રેઈડ કરી અકબર મુસાભાઇ માજોઠી નામના શખ્સને ગેર કાયદેસર પાસ પરમીટ કે આધાર વગર ભારતીય પરપ્રાંત બનાવટના હેયવર્ડસ પ્રીમીયમ સ્ટ્રોંગ બીયરનાં ૨૪ ટીનનાં રૂ.૨,૪૦૦/- ના મુદ્દામાલ સાથે પકડી પાડી કાયદેસરની કાર્યવાહી હાથ ધરી છે.