ટંકારામાં માર્ગ અકસ્માતની વધુ એક ઘટના સામે આવી છે. જેમાં પુરપાટ ઝડપે જતી કારે રાહદારી વૃધ્ધને હડફેટે લેતા વૃધ્ધ ગંભીર રીતે ઈજાગ્રસ્ત થતા તેનું સ્થળ પર જ મોત નીપજ્યું હતું. જે સમગ્ર મામલે મૃતકના પુત્ર દ્વારા ટંકારા પોલીસ સ્ટેશનમાં ફરિયાદ દાખલ કરાવવામાં આવી છે.
મળતી માહિતી અનુસાર, ટંકારનાં મિતાણા ગામે રહેતા વિક્રમભાઇ ભગુભાઇ ગોગરાના પિતા ભગુભાઇ ગોગરા ગત તા-૧૬/૧૧/૨૦૨૩ ના સાંજના સમયે રાજકોટ મોરબી હાઇવે રાઘે હોટલની આગળ મિતાણા ગામના ઝાપા સામે રોડ પર પગપાળા ચાલીને જતા હોય ત્યારે GJ-01-RX-2064 નંબરની હુન્ડાઇ કંપનીની ગ્રાન્ડ આઇ-૧૦ ગાડીની ચાલકે પોતાની કાર પુરઝડપે અને બેફીકરાઇથી મનુષ્યની જીંદગી જોખમાય તે રીતે ચલાવી ભગુભાઇને હડફેટે લઇ માથાના ભાગે ગંભીર ઇજાઓ પહોંચાડતા વૃધ્ધનું ઘટના સ્થળે જ મોત નીપજ્યું હતું. જે સમગ્ર મામલે ટંકારા પોલીસ સ્ટેશનમાં ફરિયાદ દાખલ કરાવવામા આવી છે.
