પશ્ચિમ ગુજરાત વીજ કંપની લિમિટેડ ડિસેમ્બર-2023 દ્વારા ઊર્જા બચતની જાગૃતિ કેળવવા તથા ખરા અર્થમાં ઊર્જા બચતનો સંદેશ છેવાડાના ગ્રાહક સુધી પહોંચાડવા તા. 11 થી 16 ડિસેમ્બરના ઊર્જા સપ્તાહની ઉજવણી કરવામાં આવી રહી છે જે અંતર્ગત આજે PGVCL હળવદ વિભાગીય કચેરી દ્વારા ભવ્ય રેલીનું આયોજન કરવામાં આવ્યું હતું.
મળતી માહિતી અનુસાર, આજે તા.૧૪.૧૨.૨૦૨૩ ના રોજ પીજીવીસીએલ હળવદ વિભાગીય કચેરી દ્વારા ઉર્જા સપ્તાહની ઉજવણીના ભાગરૂપે હળવદ શહેર ખાતે ઉર્જા બચત માટેની ભવ્ય રેલીનું આયોજન કરેલું હતું. જેમાં નાયબ ઇજનેર એમ.એમ. ચૌધરી અને એ.એસ અંબાણી તથા નાયબ કાર્યપાલક ઇજનેર જે.એલ. બરંડા અન્ય અધિકારીઓ અને કર્મચારીઓ રેલીમાં જોડાયા હતા. શહેરના હાર્દ સમાન વિસ્તાર એવા સરા ચોકડી ખાતે પિજીવીસીએલના કર્મચારી પી.આર.પાઠક,આર.જી. હડીયલ,ડી.બી.લખતરિયા અને બી.યું. પટેલ દ્વારા વીજળી બચાવો અને વીજ બિલ ભરવા અન્વયે શેરી નાટકનું આયોજન કરવામાં આવ્યું હતું.
