મોરબીમાં જુગાર રમતા ઈસમોનો રાફડો ફાટ્યો હોય તેવું લાગી રહ્યું છે. ત્યારે ગઈકાલે મોરબી સીટી એ ડિવીઝન પોલીસની ટીમે મોરબી શાકમાર્કેટ પાસે રેઇડ કરી જાહેરમાં વર્લીફીચરનો જુગાર રમાડતા એક ઈસમને પકડી પાડી તેના વિરુધ્ધ કાયદેસરની કાર્યવાહી હાથ ધરી છે. જયારે એક આરોપીને વોન્ટેડ જાહેર કરી તેને પકડવા ચક્રો ગતિમાન કર્યા છે.
મળતી માહિતી અનુસાર, મોરબી સીટી એ ડિવીઝન પોલીસની ટીમ ગઈકાલે પેટ્રોલિંગમાં હોય ત્યારે તેઓને બાટામી મળી હતી કે, મોરબી શાકમાર્કેટ પાસે જાવીદભાઈ યુનુશભાઈ ખોખર નામનો ઈસમ વર્લીના આકડાઓ લઈને અવેશભાઈ અયુબભાઈ કાસમાણી નામના ઈસમ પાસે કપાત કરાવી જાહેરમાં વર્લીફીચરના નશીબ આધારિત આંકડા લખી જુગાર રમી રમાડી રહ્યો છે. જે હકીકતનાં આધારે પોલીસે સ્થળ પર રેઈડ કરી જાવીદભાઈ યુનુશભાઈ ખોખર નામનાં ઈસમને વર્લી ફીચરના આંકડા લખેલ એક ચીઠી તથા રોકડ રૂ.૫૦૦/-ના મુદામાલ સાથે પકડી પાડી કાયદેસરની કાર્યવાહી હાથ ધરી છે. જયારે અવેશભાઈ અયુબભાઈ કાસમાણી સ્થળ પરથી મળી ન આવતા તેને પકડવા ચક્રો ગતિમાન કરવામાં આવ્યા છે.
