મોરબી સીટી પોલીસે ગઈકાલે બે સ્થળોએ રેઇડ કરી વિદેશી દારૂની બોટલ/ચપલા પકડી પાડ્યા છે. અને આ વિદેશી દારૂ સાથે પોલીસે ત્રણ ઈસમોની પણ અટકાયત કરી તમામ વિરુધ્ધ પ્રોહિબિશન કલમ હેઠળ ગુન્હાઓ નોંધવામાં આવ્યા છે.
પ્રથમ દરોડામાં, મોરબી સીટી એ ડિવીઝન પોલીસની ટિમ દ્વારા બાતમીના આધારે દલવાડી સર્કલ પાસે રોડ ઉપર એક GJ01-HM-3104 નંબરની સેન્ટ્રો કાર રોકી તેમાં સવાર રાહુલભાઇ વાછાભાઇ ગમારા તથા રોહીતભાઇ બચુભાઇ ડાંગર નામના શખ્સોની પૂછપરછ કરી કારની તપાસ કરતા કારમાંથી વિદેશી દારૂની VAT 69 બ્લેન્ડેડ સ્કોચ વ્હીસ્કીની રૂ.૩૦૦/-ની કિંમતની એક બોટલ મળી આવતા પોલીસે બંને આરોપીની અટકાયત કરી રૂ.૧,૦૦,૦૦૦ની કિંમતની કાર તથા વિદેશી દારૂની બોટલ મળી કુલ રૂ.૧,૦૦,૩૦૦/-નો મુદ્દામાલ કબ્જે કરવામાં આવ્યો છે.
બીજા દરોડામાં, મોરબી સીટી બી ડિવિઝન પોલીસની ટીમ દ્વારા બાતમીના આધારે વીશીપરા મેઇન રોડ પ્રજાપત કારખાના પાસે રોડ ઉપરથી મુકેશભાઇ દિલીપભાઇ કુંઢીયા નામના શખ્સને ઇંગ્લીશ દારૂ ગ્લોબસ ગ્રીન પ્રીમીયમ વ્હીક્સીનાં રૂ.૧૦૦/-ની કિંમતનાં ૧ ચપલા સાથે પકડી પાડી તેના વિરુધ્ધ પ્રોહિબિશન કલમ-૬૬(૧)બી,૬૫ એ,એ, ૧૧૬બી મુજબ ગુન્હો દાખલ કરવામાં આવ્યો છે.
