વાંકાનેરનાં ભલગામ ગામે જાહેરમાં જુગાર રમતા બે ઝડપાયા : બે ફરાર

વાંકાનેરમાં જુગારીઓ પકડાવવાનો સિલસિલો યથાવત રહ્યો છે. વાંકાનેર તાલુકા પોલીસે ભલગામ ગામેથી બે ઈસમોને જુગાર રમતા પકડી પાડ્યા છે. જયારે બે ઈસમો પોલીસને આવતી જોઈ જતા સ્થળ પરથી ભાગી છૂટ્યા હતા. ત્યારે પોલીસે બે ઈસમોની અટકાયત કરી ફરાર બંને વોન્ટેડ લોકોને પકડવા ચક્રો ગતિમાન કર્યા છે.

મળતી માહિતી અનુસાર, વાંકાનેર તાલુકા પોલીસની ટીમ દ્વારા બાતમીનાં આધારે ભલગામ ગામે રેઈડ કરી જાહેરમાં ગોળ કુંડાળું વળી ગંજીપતાના પાના તથા પૈસા વતિ તીનપત્તીનો હારજીતનો નસીબ આધારીત જુગાર રમતા દીનેશભાઇ ભવાનભાઇ મકવાણા તથા બુધેશ ઉર્ફે બુધો ધીરૂભાઇ ભાલીયા નામના શખ્સોને રોકડા રૂપીયા-૨,૭૦૦/- તથા મોબાઇલ મળી કુલ રૂ.૭,૭૦૦/- ના મુદ્દામાલ સાથે પકડી પડ્યાંછે. જયારે ગડો પોપટભાઇ ભાલીયા તથા ગોપાલ દેવશીભાઇ ભાલીયા પોલીસને આવતી જોઈ જતા સ્થળ પરથી ફરાર થયા હતા.