રાજકોટ રેન્જ આઇ.જી. અશોક કુમાર યાદવ તથા મોરબી જિલ્લા એસ.પી. રાહુલ ત્રિપાઠીએ ગંભીર ગુનાના કામે નાસતા ફરતા આરોપીઓને પકડી પાડવા સૂચન કરેલ હોય જે અન્વયે કામગીરી કરતા દરમિયાન મોરબી સિટી એ ડિવિઝન પોલીસ સ્ટેશનના પ્રોહીબીશનના ગુનામાં નાસતા ફરતા લીસ્ટેડ બુટલેગરને મોરબી લોકલ ક્રાઈમ બ્રાંચે પકડી પાડ્યો છે.
મળતી માહિતી અનુસાર, મોરબી એલ.સી.બી.ની ટીમ નાસતા ફરતા આરોપીઓને પકડવા સારૂ પ્રયત્નશીલ હોય દરમ્યાન પેરોલ ફર્લો સ્કવોડની ટીમને ખાનગીરાહે હકિકત મળેલ કે, મોરબી સિટી એ ડિવિઝન પોલીસ સ્ટેશનના પ્રોહીબીશનના ગુનામાં નાસતા ફરતા લીસ્ટેડ બુટલેગર સીદીકભાઇ ઇસ્માઇલભાઇ ચાનીયા (રહે. મોરબી વાઘપરા શેરી નં-૧૨) હાલ રવાપર-ઘુનડા રોડ ઇમાનપીરની દરગાહ પાસે હોવાની હકીકત મળતા ફર્લો સ્કવોડની ટીમ એલ.સી.બી.ના માણસો સાથે હકિકત વાળી જગ્યાએ તપાસ કરતા આરોપી સીદીકભાઇ ઇસ્માઇલભાઇ ચાનીયા મળી આવતા તેને હસ્તગત કરી સી.આર.પી.સી.કલમ ૪૧(૧) આઇ. મુજબ ઉપરોકત ગુનાના કામે અટક કરી આગળની કાર્યવાહી અર્થે મોરબી સિટી એ ડિવિઝજન પોલીસ સ્ટેશનને સોપવા કાર્યવાહી હાથ ધરવામાં આવી છે.
