મોરબીમાં કોરોનાની એન્ટ્રી:૫૮ વર્ષીય આધેડનો રીપોર્ટ પોઝીટીવ:આરોગ્ય તંત્ર સતર્ક બન્યું

એક સમયે સમગ્ર વિશ્વમાં કોરોના એ હાહાકાર મચાવ્યો હતો અને વિશ્વ થંભી ગયું હતું ત્યારે ધીરે ધીરે કોરોનામાંથી સમગ્ર વિશ્વને છુટકારો મળ્યો હતો પરંતુ હવે ફરીથી કોરોના ની એન્ટ્રી થઈ છે અને ગુજરાતના અમુક શહેરોમાં કોરોના ના પોઝીટીવ કેસ આવ્યા બાદ આજે મોરબી શહેરમાં પણ કોરોના નો એક કેસ નોંધાયો છે.

મોરબી શહેરી વિસ્તારના રહેતા ૫૮ વર્ષિય પુરુષ ને લક્ષણો દેખાતા તેઓનો કોરોના ટેસ્ટ કરવામાં આવ્યો હતો જે ટેસ્ટ માં રીપોર્ટ પોઝીટીવ આવતા આરોગ્ય તંત્ર દ્વારા આધેડ ને હોમ આઇસોલેટ કરવામાં આવ્યા હતા અને આધેડ ની ટ્રાવેલ હિસ્ટ્રી તેમજ તેઓને લક્ષણો જણાયા ત્યાર બાદ કેટલા વ્યક્તિના સંપર્ક માં આવ્યા છે તે તમામ વ્યક્તિઓને શોધી ને તેઓના રીપોર્ટ કરાવવા સહિતની કાર્યવાહી હાથ ધરી છે.