રાજકોટ રેન્જ આઇજી અશોક કુમાર યાદવે પ્રોહિબિશન/જુગાર અંગેની પ્રવૃતિ રાજકોટ રેન્જમાંથી નેસ્ત નાબુદ કરવા સુચના કરેલ હોય જે અન્વયે કામગીરી જરાત દરમિયાન મોરબી તાલુકા પોલીસ દ્વારા મોરબી તાલુકાના બેલા(રં) ગામે સાંઇ પાણીના પ્લાન્ટની પાછળ જાહેરમાં જુગાર રમતા છ ઇસમોને પકડી પાડવામાં આવ્યા છે.
મળતી માહિતી અનુસાર, મોરબી તાલુકા પોલીસ સ્ટેશનની ટીમ ગઈકાલે પેટ્રોલિંગમાં હોય તે દરમિયાન તેઓને મળેલ બાતમીનાં આધારે મોરબી તાલુકાના બેલા (૨) ગામે સાંઇ પાણીના પ્લાન્ટની પાછળ જાહેરમાં રેઇડ કરતા નાનજીભાઇ સામજીભાઇ જેઠલોજા, ભરતભાઇ મોરાજીભાઇ માકાસણા, ભુપતભાઇ ઠાકરસીભાઇ અધાર, નરેન્દ્રભાઇ મગનભાઇ કાલરીયા, મનહરભાઇ ઉકાભાઈ ચારોલા તથા ગણેશભાઇ રામજીભાઇ જેઠલોજા નામના શખ્સો જુગાર રમતા ઝડપાતા તેમની પાસેથી પોલીસે રોકડ રૂ.૩૭,૩૫૦/- ના મુદ્દામાલ સાથે આરોપીઓને પકડી પાડી જુગારધારા હેઠળ ગુન્હો રજી. કરી આગળની કાર્યવાહી હાથ ધરી છે.
