હળવદમાં માર્ગ અકસ્માતની વધુ એક ઘટના સામે આવી છે. જેમાં મોરબીથી હારીજ વેલ મુસાફરોને લઈ જતી ઈકો કારને અકસ્માત નડ્યો હતો. જેમાં બે લોકો ઈજાગ્રસ્ત થતા તેમને સારવાર માટે ખસેડવામાં આવ્યા છે. તેમજ સમગ્ર મામલે હળવદ પોલીસ દ્વારા આગળની કાર્યવાહી હાથ ધરવામાં આવી છે.
મળતી માહિતી અનુસાર, હળવદ-ધ્રાંગધ્રા હાઈવે પર ટ્રક અને ઈકો કાર વચ્ચે અકસ્માત સર્જાયો હતો. જેમાં ઈકો કાર મોરબીથી હારીજ વેલ મુસાફરોને લઈ જતી હતી. ત્યારે હળવદ સર્કીટ હાઉસ પાસે ટ્રક સાથે અકસ્માત સર્જાયો હતો. જે અકસ્માતના કારણે હાઈવે પર ટાફીક જામના દ્રશ્યો પણ સર્જાયા હતા. તેમજ બનાવમાં બે લોકો ઈજાગ્રસ્ત થયા હતા. જેમાં મૂળ હારીજ જિલ્લાના કુકરાણા તાલુકાના જ બંને મુસાફરો ઈજાગ્રસ્ત થયા હોવાનું સામે આવ્યું છે. તેમજ બન્ને ઇજાગ્રસ્તોને હાલ હળવદની ખાનગી હોસ્પિટલ ખાતે સારવારમાં ખસેડાયા છે. તેમજ ધટનાની જાણ થતાં હળવદ પોલીસ ધટના સ્થળે પહોંચી હતી. અને આગળની કાર્યવાહી હાથ ધરી હતી.
