મોરબીમાં માળીયા ફાટક નજીક ટ્રક ટ્રેઇલરે ઠોકરે ચડાવતા રાહદારી યુવકનું મો
મોરબીના માળીયા ફાટક નજીક સર્વિસ રોડ ઉપર ટ્રક ટ્રેઇલરના ચાલકે પોતાનો ટ્રક પુરપાટ ગતિએ ચલાવી ચાલીને જતા રાહદારીને પાછળથી ટક્કર મારતા રાહદારી યુવકને માથાના ભાગે ગંભીર ઈજાઓ પહોંચતા તેનું મૃત્યુ નીપજ્યું હતું. અકસ્માત સર્જી ટ્રક-ચાલક પોતાનો ટ્રક સ્થળ ઉપર રેઢું મૂકી નાસી ગયો હતો.
અકસ્માતની મળતી માહિતી અનુસાર ગત તા.૦૪/૦૪ ના સાંજના સુમારે મોરબીના સામાકાંઠા વિસ્તારમાં આવેલ માળીયા ફાટકના સર્વિસ રોડ ઉપર ટ્રક ટ્રેઇલર રજી. આરજે-૨૬-જીએ-૬૮૭૦ ના ચાલકે પોતાના હવાલાવાળો ટ્રક ટ્રેઇલર ગફલતભરી રીતે અને પુરપાટ ગતિએ ચલાવી ચાલીને જતા જગદીશભાઈ ધામેચા ઉવ.૩૦ને પાછળથી હડફેટે લઇ અકસ્માત સર્જ્યો હતો. અકસ્માતમાં જગદીશભાઈને માથાના ભાગે ગંભીર ઈજાઓ પહોંચાડી ટ્રક ટ્રેઇલર ચાલક પોતાનું વાહન સ્થળ ઉપર મૂકીને નાસી ગયો હતો. બીજીબાજુ અકસ્માતમાં ગંભીર રીતે ઈજાગ્રસ્ત જગદીશભાઈનનું સ્થળ ઉપર મૃત્યુ નીપજ્યું હતું. ત્યારે મૃતકના ભાઈ પરેશભાઈ બીજલભાઈ ઉર્ફે હકાભાઈ ધામેચા દ્વારા મોરબી બી ડિવિઝન પોલીસ મથકમાં ટ્રક ટ્રેઇલરના ચાલક વિરુદ્ધ ફરિયાદ નોંધાવતા પોલીસે આરોપી સામે ગુનો દાખલ કરી આગળની તપાસની તજવીજ હાથ ધરી છે.
