પેલેસ્ટાઈન અને ઈઝરાયેલ વચ્ચે યુદ્ધ ચાલી રહ્યું છે. ઈઝરાયેલ હમાસ દ્વારા હુમલા બાદ હવે સતત પેલેસ્ટાઈન પર હાવી થઇ રહ્યું છે. આ યુદ્ધમાં સામાન્ય લોકોના મોત વધારે થયા છે. બંને દેશ વચ્ચે ચાલી રહેલા યુદ્ધને દુનિયાભરના દેશ જોઇ રહ્યા છે અને અલગ અલગ રીતે સમર્થન પણ કરી રહ્યા છે. ત્યારે હવે મોરબીમાં પેલેસ્ટાઈનને સમર્થન કરતા યુવકો સામે આવ્યા છે. જેમણે પેલેસ્ટાઈનના સમર્થનમાં ફોટા સોશિયલ મીડિયા પર ઉપલોડ કરતા તે વાઇરલ થયા હતા.
હમાસ અને ઈઝરાયેલના યુદ્ધ વચ્ચે પેલેસ્ટાઈનના સામાન્યા નાગરિકો પીસાઈ રહ્યા છે. અત્યાર સુધી હજારોની સંખ્યામાં પેલેસ્ટાઈનના સામાન્ય નાગરિકોના મોતના સમાચાર સામે આવી ચુક્યા છે.
આ જ કારણ છે કે પેલેસ્ટાઈનના સમર્થનમાં પણ ઘણા દેશના નાગરિકો સામે આવી રહ્યા છે. થોડા દિવસો પહેલા જામનગરમાં પણ પેલેસ્ટાઈનના સમર્થનમાં રેલી કાઢવામાં આવી હતી ! જે બાદ હવે મોરબીમાં પેલેસ્ટાઈનના ઝંડા સાથે યુવકોના ફોટા વાયરલ થયા છે. ત્યારે બાઇકમાં ઝંડા લગાવી ફરતા યુવકોના ફોટા વાયરલ થતા પોલીસે કાર્યવાહી હાથ ધરી હતી અને બાઈક નંબરની સિરીઝને આધારે યુવકો મોરબીના હોવાનું અનુમાન હાલ લગાડવામાં આવી રહ્યું છે. જેને લઈ સમગ્ર મામલે મોરબી પોલીસ દ્વારા તપાસ શરૂ કરવામાં આવી છે.
